Fito en Triacastela como símbolo da amizade dos Camiños de Santiago e Shikoku

Un fito de pedra xaponesa representa a amizade do Camiño de Santiago e a ruta de peregrinación, Shikoku Henro (Camiño de Shikoku), que recorre cerca de noventa templos budistas arredor da illa xaponesa de Shikoku. Está dedicado á alcaldesa da localidade, Olga Fontal e ao Valedor do Camiño e vicepresidente da Asociación de Periodistas e Estudos do Camiño de Santiago (APECSA), o xornalista Loís Celeiro Álvarez.

Fito Triacastela Xapón / Facebook Triacastela

Este fito marmóreo colocouse na praza de Triacastela, nun acto público no que participaron a propia alcaldesa, Olga Fontal; o presidente de APECSA, Xosé María García Palmeiro; o presidente da Asociación de Amigos do Camiño de Santiago da Comarca de Sarria, Jorge López; o presidente da Asociación do Camiño de Shikoku, Hirofumi Matsuoka, e o xornalista homenaxeado, Lois Celeiro Álvarez, escritor e Valedor do Camiño, por designación dos seu veciños de Samos.

O Shikoku Henro é un camiño de peregrinación circular que recorre os templos budistas e moitos outros lugares sagrados ao redor da illa xaponesa de Shikoku, a máis pequena das principais illas de Xapón. Esta ruta de 1.200 quilómetros atrae cada ano a miles de peregrinos de todo o mundo.  O Camiño de Santiago é o verdadeiro sinal da unión dos pobos de Europa e un dos principais motores da economía galega.

DEIXAR UN COMENTARIO

Please enter your comment!
Please enter your name here