Este proxecto educativo, titorizado polo profesor, Javier Saco, busca educar en valores reivindicando o poder da creatividade como un mecanismo eficaz para potenciar a autoestima do alumnado e protexelo ante o bullying.
Trátase ademais dun tributo póstumo á profesora, Beatriz Pérez, no que se involucrou a comunidade educativa do centro e que foi filmado en diferentes espazos de Monforte, Sober e O Courel.
Javier Saco agradeceu ao Ateneo de Santiago este recoñecemento, así como a oportunidade de divulgar este tipo de proxectos educativos que se apoian no audiovisual para xerar conciencia de forma eficaz entre o alumnado, á vez que este fomenta a súa propia capacidade creativa. A web elrincondeleonardo.com reúne ao completo o proxecto educativo deste docente monfortino, incluíndo todos as curtas que realizou no seu centro educativo.
