InicioCulturaEste 12 de abril ás 17:00h, preséntase no CPI Uxío Novoneyra, un...

Este 12 de abril ás 17:00h, preséntase no CPI Uxío Novoneyra, un proxecto europeo de educación escénica inclusiva

Kirenia Danza presenta "Afectos", usta nova coprodución co Centro Coreográfico Galego que se presenta no marco do encontro europeo ABMS na Serra do Courel.

Publicado o

POR
Redacción
- Advertisement -

A peza, coproducida polo Centro Coreográfico Galego-AGADIC, é a derradeira entrega da triloxía coreográfica Os vulnerables e trata o impacto da pandemia da COVID-19 nas persoas migrantes e a súa rede de afectos.

A compañía demostrou o seu compromiso con este tema a través das entregas previas “E-migrantas” e “Primeiro a vida!”, abordando a necesidade dun cambio no modelo actual de xestión das crises sociais. Afectos” invita ao público a reflexionar sobre a importancia da solidariedade en tempos difíciles e rende homenaxe á complexidade das emocións humanas. Tamén se enfoca no patrimonio humano da migración, como o Camiño de Santiago en Galicia, ao Kumano Kodo en Xapón, os corredores humanitarios da Ucraína e as novas rutas de emigración centroamericana, sendo unha invitación a conectarse co noso propio ser emocional e recoñecer a importancia de protexer os dereitos fundamentais das persoas migrantes e desprazadas.  

A peza será interpretada por un gran equipo artístico, no que destaca o actor e bailarín courelao, Bal Castro. Despois do espectáculo terase a oportunidade de coñecer o proceso de creación co elenco, xunto aos participantes internacionais do evento vidos de Portugal, Hungría, Alemaña e Serbia, que colaboran neste proxecto europeo de educación escénica inclusiva. A entrada será de balde. Pódese obter máis información na páxina web do proxecto e na da compañía antibullyingmovementseries.eu e kireniadanza.gal

ÚLTIMAS

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...

O PP de Monforte urxe ao arranxo inmediato de varias rúas

Unha das actuacións ás que se comprometeu o goberno local é o arranxo do...

PP e IGV lamentan que a mellora da N-540 non remate ata 2027

O Partido Popular considera insuficiente o anuncio da adxudicación das obras de rehabilitación do...

5 viaxes ao ano e comidas de 400 persoas, a Asoc. de Pensionista e Xubilados de Pantón segue un plan que funciona

A Asociación de Pensionistas e Xubilados de Pantón fundouse no 2002. Na actualidade conta...