Nesta XVI edición actuarán: o venres día 2 de novembro os grupos Talco, Descato, LDS, Mafalda, Rebelión do Inframundo, La Otra e o sábado día 3 de novembro, Boikot, Zoo, Dakidarria, Smoking Souls, Raiba e Mekanika. O sábado tamén haberá Castañazo Infantil, Cantos de Taberna, Xogos Bravús, e o evento rematará cun Magosto ás 20:00 horas no recinto do festival.
O prezo das entradas para un día é de 20 euros en venta anticipada e o bono para os dous días é de 32 euros. Os billetes pódense adquirir en www.castanhazo.com. A Asociación O Castanhazo habilitará autobuses para as persoas que asistan ao festival. Para os visitantes que desexen quedarse de acampada gratuíta en Chantada, a organización pon á súa disposición os pavillóns do IES Val do Asma, o CEIP Eloisa Ribadulla, o IES Lamas das Quendas e o CEIP Xoan Requeixo. A Deputación aporta 6.000 euros para este festival.
