Na provincia de Lugo concédense achegas para 21 eventos noutros tantos municipios, que suman un orzamento de 63.000 euros, a razón de 3.000 euros en cada caso.
Na zona Sur obteñen axudas a Feira do Viño de Amandi de Sober, o Folión de Carros de Chantada, a Festa da Castaña de Folgoso do Courel, a Feira do Viño de Pantón, a Mostra do Aceite de Quiroga no Muíño de Bendilló, e a Queima das Fachas de Taboada.
Na Terra Chá o Belén Electrónico de Begonte, a Festa da Filloa de Cospeito, e o Festival de Pardiñas de Guitiriz, e en Meira a Festa da Malla.Na comarca da Mariña resultaron beneficiadas a Feira das San Lucas de Mondoñedo, o San Lourenzo de Foz, a Festa do Ourizo de Cervo, a Romaría do Naseiro de Viveiro, o Festival Folclórico Internacional do Emigrante de Barreiros, a Festa da Faba de Lourenzá, e o Día da Gaita e Romaría a Santa Cruz de Ribadeo.
Igualmente, reciben achegas a Feira de Santos de Monterroso, Feira do Queixo e do Pan de Ousá de Friol, a Feira do Queixo do Cebreiro de Pedrafita, e a Feira da Tenreira Galega de Láncara.
