Solpor Hermida propón unha experiencia única de poder ver como se pon o sol no encoro de Vilasouto ao tempo que se goza dun bo concerto de música e dunha consumición na terraza do local.

Hugo Torreiro e Carlos Bau unen forzas e festa nun espectáculo para todos os públicos onde repasan os grandes éxitos do pop español de todas as épocas. Trátase dun proxecto no que levan traballando dende hai máis de seis anos e co que xa percorreron gran parte da xeografía galega.

Que pasa se colles unha cocteleira, engádeslle Los Secretos, Nino Bravo, Estopa, Melendi, Amaral, Alaska, Hombres G e Rocío Jurado? Pois que é cuestión de probalo e gozar co combinado musical “Dos en Punto”.

Estes dous músicos, no formato dúo #DosEnPunto, chegan da man de Hermanager Producións, empresa monfortina dedicada á organización de eventos e á colocación e representación de artistas.