HomeCulturaTres escritores de luxo para celebrar o 25 aniversario da Librería Agrasar

Tres escritores de luxo para celebrar o 25 aniversario da Librería Agrasar

A libraría monfortina organizará tres presentacións de libros, descontos especiais e un sorteo. O autor e as autoras que presentarán libro son: Xabier Quiroga, Marilar Alexandre e Teresa Moure.

Publicado o

POR
Redacción
- Advertisement -

A xerencia de Librería Agrasar organizou unha serie de actividades especiais para todos os amantes da lectura co obxectivo de celebrar por todo o alto o seu 25 aniversario entre o 5 e o 12 de maio.

No transcurso das devanditas datas a libraría ofrecerá un desconto do 5% en todos os seus libros, para que os clientes poidan adquirir aqueles que máis lle gusten a un prezo reducido, e tamén organizará tres presentacións literarias con escritores de renome da literatura actual.

PRESENTACIÓNS LITERARIAS CO GALLO DO 25 ANIVERSARIO

O autor Xabier Quiroga, natural do Saviñao, finalista do Premio Xerais 2001 e gañador do premio da Crítica en 2009 e 2014, presentará a súa última novela “Coa man esquerda” o venres 5 de maio ás 20:00 h.

Marilar Alexandre, gañadora do premio nacional de narrativa 2022 polo libro “As malas mulleres”, presentará esta mesma obra o vindeiro mércores 10 de maio ás 18:30 h. Estará acompañada pola autora Olga Novo, gañadora do Premio Nacional de poesía no ano 2020 polo seu poemario “Feliz Idade”.

Como remate a esta triple presentación literaria de maio, a escritora monfortina Teresa Moure (Premio Xerais 2005) dará a coñecer na Librería Agrasar a súa obra “La edad bajo sospecha” o venres 12 de maio ás 20:15 h.

Segundo indica a xerencia, a entrada será libre a todas a presentacións mais requírese previa reserva para asegurar praza. O teléfono para anotarse é o 698 19 06 76.

SORTEOS

Outra iniciativa para festexar o 25 aniversario será a realización de sorteos. Quen asista ás presentacións de libros terán a oportunidade de participar nun sorteo especial para gañar un vale de 100 euros co cal poderán mercar libros.

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...