As Foliadas Guímaras son unha iniciativa do concello da Pobra do Brollón co obxectivo de descentralizar a programación cultural dinamizando os locais sociais das distintas parroquias.  

Nesta ocasión, a festa será o venres 12 de maio a partir das 20:30, en colaboración coa Asociación Veciñal A Fonte da Freita de Fornelas para inaugurar o seu novo local social, localizado a escasos metros da igrexa parroquial. 

No evento actuará o grupo Lideira, trío de percusións, ventos e voz formado por Gabi Reboredo, Amelia Ónega e Lois Prado. Dende as súas extensas experiencias musicais vencelladas á tradición oral, achegarán unha proposta chea de sensibilidade que será unha antesala de luxo para abrir a foliada.

Trátase dun evento de entrada libre e gratuíta. Os veciños serán os encargados de poñer a barra e ademais convidarán a un caldo, polo que dende a organización animan aos asistentes levar cunca e culler. Tamén haberá un posto de venda de camisetas das festas de Fornelas.

A actividade está financiada a través da subvención Territorio Cultura, xestionada pola Xunta de Galicia a través da Agadic, ao amparo do Mecanismo Europeo de Recuperación e Resiliencia dos Fondos Next Generation