Como todos os anos a casa do concello acollerá, a unha do mediodía, unha recepción aos colectivos culturais do municipio e a entrega de premios aos gañadores do certame de narración e debuxo Letras Galegas.
Nesta xornada non faltará a música tradicional que virá da man do grupo de gaitas “O Recanto” que actuará diante da casa consistorial unha vez remate a recepción.
Pola tarde, a partir das oito na casa da cultura representarase a obra de teatro infantil “Unha de Piratas”, a cargo da asociación cultural Os Carballiños. Un espectáculo de cancións, teatro e monicreques no que o protagonista, un neno ao que lle gustan as aventuras, descubrirá que o seu maior tesouro son os seus libros e a súa imaxinación. Esta actividade forma parte do programa de dinamización da lectura que ofrecen as bibliotecas públicas, “Ler conta Moito”.
