O Conservatorio Municipal de Música Mestre Ibáñez organiza un acto de clausura do curso académico, “O Festival fin de curso do Conservatorio”, que terá lugar este venres, 2 de xuño, no Edificio Multiusos de Monforte.

As actuacións realizaranse de forma individual, en distintos grupos de conxunto, coros e orquestra. O alcalde, José Tomé, anima a todos os monfortinos e monfortinas a gozar do festival e a compartir cos alumnos e alumnas do conservatorio “unha xornada tan importante para eles que marca a finalización dun curso do que de seguro sacaron proveito.”