HomeCulturaPresentado en Chantada o cartel do 'Folión de Carros 2023'

Presentado en Chantada o cartel do ‘Folión de Carros 2023’

Un ano máis, a Asociación Cultural Amigos do Folión acordou co IES Val do Asma que fora alumnado deste centro educativo quen se encargara de deseñar o cartel anunciador deste senlleiro evento etnográfico.

Publicado o

POR
Redacción
- Advertisement -

O vindeiro 26 de agosto celebrarase en Chantada o Folión de Carros, un evento de gran valor etnográfico que se recolle documentado, cando menos, dende o século XIX. Para anuncialo, a Asociación Cultural Amigos do Folión presenta todos os anos un cartel que permite visibilizar as características principais da celebración, cartel que este ano volveu ser deseñado por alumnado do IES Val do Asma.

Os traballos no IES Val do Asma foron coordinados pola profesora de debuxo, Lola López, e o cartel escollido é unha obra das alumnas Nerea  Rodríguez Lage e Nara dos Santos dos Anjos. Cada unha delas recibiu do Folión de Carros un agasallo e un diploma conmemorativo.

O traballo realizado por estas dúas alumnas de 2º BAC foi valorado como brillante pola súa orixinalidade e autenticidade. En palabras da súa profesora “Nerea e Nara buscaron con este cartel expresar modernidade no deseño e tradición na imaxe principal do cartel. Os zocos son parte da festa, que calzan os carroceiros, e forman parte da vida tradicional do campo. Ademais, nalgúns lugares de Chantada existiron zoqueiros ata non hai tantos anos”.

PRESENTACIÓN OFICIAL

O acto de presentación do cartel do Folión de Carros 2023 celebrouse na Praza do Mercado e contou coa presenza tanto das autoras como de Lola López. O agradecemento polo seu traballo totalmente desinteresado foi feito por Manuel Vázquez Regal, Presidente da Asociación Cultural Amigos do Folión, quen destacou “o importante que é para a difusión dos valores do Folión de Carros colaborar dunha ou outra forma cos colexios e institutos de Chantada”, e engadiu que “o cartel deste ano feito por Nerea e Nara é tan bonito e está tan ben feito que merece todas as nosas felicitacións e agradecementos”.

Tamén estiveron presentes no acto representantes políticos da Corporación Municipal e da Área de cultura da Deputación de Lugo.

ÚLTIMAS

O BNG insta no Parlamento arranxar de modo íntegro e real a estrada LU-651

O Bloque Nacionalista Galego instou no Parlamento arranxar a estrada LU-651 tendo en conta...

Por Chantada denuncia un ano máis a xestión do Campamento de Verán

Por Chantada-Interior Galego Vivo vén de solicitar acceso ao expediente de contratación da xestión...

Monforte desvela o cartel das Festas Patronais 2024

As Festas Patronais da cidade de Monforte, que terán lugar do 11 ao 16...

Aberto o prazo de matrícula para os Cursos de Verán do Conservatorio de Monforte

Ó igual que nas pasadas edicións, os cursos vanse desenvolver en diversas semanas tanto...