As delegacións de Cultura e Turismo anunciaron que estas dúas instalacións museísticas abrirán de luns a venres en horario de 10:00 a 14:00 h. A maiores, polas tardes, e previa cita no teléfono da Casa da Cultura o 982.43.51.25., tamén se atenderán entre as  17:00 a 19:00 h. Mantense ademais o servizo de atención para grupos (10 ou máis persoas) previa cita previa no teléfono da Casa da Cultura.

Durante as fins de semana e os festivos os museos conservan o seu horario de apertura. O museo Xeolóxico de 11:00h. a 12:00h. e o Etnográfico de 12:00h. a 13:00h. Manténdose as visitas para grupos previa cita na Casa da Cultura.

No mes de agosto poñerase en marcha o programa “Coñece os museos de Quiroga”. A través deste programa os museos contarán cunha xornada semanal de portas abertas nas que se poderá facer unha visita guiada con entrada gratuíta e sen cita previa. A xornada de portas abertas do Museo Xeolóxico será todos os mércores de agosto a partir das 11:00 da mañá e a do Museo Etnográfico será todos os xoves tamén a partir das 11:00 da mañá.

Dende o Concello de Quiroga tomouse esta decisión como apoio ao turismo -incluídos os numerosos peregrinos que recorren o Camiño de Inverno- e tamén aos veciños,  facilitando as visitas a estas instalacións ao contar cun horario máis amplo de apertura.