Con máis de 50 edicións ás súas costas, unha media de 5000 artistas, centos de espectáculos e 750.000 asistentes, este evento é considerado como o máis importante a nivel mundial da música celta. Cada ano, e durante 10 días a principios de agosto, o festival reúne ás nacións celtas (Asturias, Bretaña, Cornualles, Escocia, Galicia, Illa de Man, Irlanda e Gales) e tamén ás “colonias celtas” (Acadia, Australia, Arxentina, Cuba e México) na vila de Lorient, na Bretaña Francesa.
O de Ribeira Sacra será o único stand de información turística de Galicia no Festival. Dous técnicos do organismo desprazáronse á vila para dar a coñecer os atractivos da nosa rexión aos milleiros de visitantes chegados de todos os recunchos do mundo.
O público francés e o británico é importante para Ribeira Sacra á hora de falar de visitantes extranxeiros, polo que a participación neste festival supón unha oportunidade para a proxección do xeodestino.
Ribeira Sacra no Festival Interceltique de Lorient / Consorcio de Turismo da Ribeira Sacra
