Os integrantes da Agrupación Musical do Rosal (O Rosal, Pontevedra) darán un concerto de grupos de cámara no exterior do Consorcio Local Os Peares este sábado, 2 de setembro, ás 20:00 horas e, o domingo ás 12:00, uns 40 músicos amenizarán o centro da Peroxa cun pasarrúas.

A asistencia é libre e gratuíta. Os mozos e mozas da banda pontevedresa gozaron dunhas xornadas de convivencia na Ribeira Sacra, facendo música, coñecendo a natureza e o patrimonio, e realizando actividades de tempo libre. Todo iso grazas ao apoio da Dirección Xeral de Xuventude a través do programa Iniciativa Xove.