O Concello de Bóveda ofrece un outono cargado de propostas teatrais para todos os públicos. As citas desenvolveranse no centro sociocultural. A primeira terá lugar o 13 de outubro ás 15:00. O Grupo Piconús de Lugo porá en escena “Piconús”, un comedia musical familiar. O día 21 de outubro ás 19:00 o Grupo Teatreiras de Monforte interpretará “Inseguridade Social”.
As propostas seguen en novembro. O día 5 ás 19:30, Teatro baixo da area de Lugo representará, “Poeta en Nueva York”. E o venres, 24 de novembro, ás 15:00 terá lugar o contacontos para público familiar, “Estrafalaria”, por conta da Compañía Xarope Tulú.
Este ciclo de teatro completarase con dúas citas máis. O 25 de novembro ás 19:00, o Grupo Hipócrita Teatro de Lugo interpretará a comedia para público adulto, “Casting”. E ciclo pecharase o 29 de decembro ás 18:00 con “Mudanzas”, unha comedia para público familiar por conta do Grupo Ubú Teatro de Lugo.
