A asociación cultural deportiva e ecolóxica, Buril de Sarria, programa un mes de outubro cheo de concertos no local do que dispoñen na Rúa da Música en Sarria. Comezan o día, 3 de outubro, con Clavicule, unha formación que chega desde Francia, “Desde os seus inicios en 2018, Clavicule brindou un son versátil inspirado nos seus pares californianos como Osees, Ty Segall, Fidlar. Pero a banda ampliou os seus horizontes cando empezaron a engadir surf, grunge, psicodélico ou punk rock ás súas mesturas”.
O día 12 é a quenda de Xira 3 e punto, con concertos de Kondusión Kolerica, un trío de punk, que estivo en formato dúo abrindo o Punkis de aldea de este ano, e veñen con máis e mellores cancións. Filophobicas, un trío de rock en galego para mentes rebeldes, o ano pasado xa actuaron no San Martiño Canibal de Louseiro e Okeoh, coa súa mestura de punk/rock/metal para facer as delicias dos habituais do Buril.
Para os días 13 e 14 fusiónanse o Napalm Fest e o Back to Nature para facer dous días de festival que vai dende grupos punk ata Death Metal. Back to Napalm presenta nesta edición dous días de concertos:
- Mutualistas (Punk rock dende Lugo)
- Dioivo (Black metal dende Vigo)
- Anecoid (Metal Pontevedra)
- Cranio (Heavy Metal Ferrol)
- Aneuma (Melodeath Navia)
- Barbarian Prophecies (Death Metal Lugo)
- Death.Bringer (Death Metal León)
- Slamentable (Slam grind Albacete)
A entrada para “apoiar ás bandas” é de 8 euros por día ou anticipada para os dous días 10 euros en entradium. O evento será solidario cos compañeiros de @frentel.a.santuarioanimal
Os concertos continuarán na segunda quincena con 6 actuacións máis.
