Para este encontro, Yolanda Castaño, estivo acompañada de Olga Novo, súa querida compañeira e amiga dende hai case 30 anos e Premio Nacional de Poesía 2021. Novo tamén é profesora de Lingua e Literatura Galega no IES A Pinguela.

Durante a actividade, Yolanda Castaño destacou que ” este é o IES que máis teño frecuentado en toda a miña carreira: o Ies A Pinguela , onde comecei a impartir charlas xa no ano 2000″. Esta vez foi emocionante xa que compartiu a súa andaina literaria e poemas cun grupo de lectores mozos e co profesorado de Galego. “Agradecémoslle a visita. Yolanda é unha escritora e amiga á que neste centro se lle quere ben, polo que seguro non será a derradeira”.