Este 12 de novembro, Teatro A Adala presenta no auditorio municipal de Escairón a comedia, “Vivan os noivos”. A seguinte cita será o 19 de novembro tamén no auditorio municipal. Ás 18:30, dentro do circuito de tetro profesional, A compañía solitaria do DR. Monifate pon en escea, “Bad Man, un home malo” de Gustavo Fouce.
O auditorio municipal tamén será o punto de encontro para ver “Fuga” de 57 palabras, que chegan desde Viveiro. A representación será ás 19:30h. E tamén dentro do circuito de teatro afeccionado, Viraventos de Monforte presentará a comedia, “A cegueira de Cupido: porque o amor nunca é o que parece”. Neste caso xa chegamos ao 2 de decembro coa representación ás 19:30h.
Todas estas citas teatrais están promovidas polo Círculo Saviñao coa colaboración da área de cultura da Vicepresidencia da Deputación.
