O Faladoiro é unha iniciativa da Área de Servizos Sociais do Concello de Quiroga que busca crear un espazo de socialización e de coñecemento, na que partindo dun tema a tratar e dunha persoa convidada, os asistentes poden intervir para coñecer máis á relatora ou relator, para aprender, e incluso para contar as súa experiencias.

Carol de ‘Malas hierbas’ será a convidada deste mércores, con raíces en Ribas de Sil, dende hai un tempo vive en Torbeo e impulsa un proxecto que pon en valor o poder curativo das plantas.

Na sesión do vindeiro mércores, na compaña do concelleiro, Xosé Manuel Fernández, Carol comentará como foi descubrindo e coñecendo as plantas do municipio e da súa contorna máis próxima. A partir de aí afondarase nos usos e propiedades das distintas variedades. Carol abordará tamén o poder de sanación e os métodos de utilización das plantas; á vez que recomendará libros para iniciarse no seu coñecemento.