InicioCulturaA curta documental “Corre o vento”, rodada no Courel, presente no Festival...

A curta documental “Corre o vento”, rodada no Courel, presente no Festival de Málaga

A obra audiovisual presentouse o pasado 2 de Marzo na segunda xornada da 27 edición do prestixioso festival de cinema.

Publicado o

POR
Redacción
- Advertisement -

Corre o vento, da que demos conta o pasado ano no transcurso da súa gravación por terras do Courel, foi seleccionada para formar parte da  programación do Festival de Málaga no que se presentaba a concurso na sección oficial de Documentais.

Foi na segunda xornada, o pasado 2 de marzo con presenza na Sala de Turismo e Deporte dos directores galegos Paula Fuentes e Guillermo Carrera para presentar a súa curta documental ‘Corre o vento’, unha peza sobre Vilar do Courel, unha pequena aldea de Folgoso do Courel que leva décadas resistíndose a desaparecer.

Cunha espectacular fotografía, capturando unha atmosfera case sombría, a curtametraxe logra transmitir o medo que sentían os seus protagonistas en perder a súa querida aldea. “Guillermo e eu soubemos desde o primeiro momento que queriamos facer algo sobre a nosa terra e ensinar esta resistencia ao despoboamento, principalmente en Galicia”, sinalaba a directora Paula Fuentes aos asistentes, que agradecían a súa intervención e a súa valentía por facer visible a loita de tantas persoas da España baleirada pero chea de lembranzas.

Para coñecer máis detalles de como xermolou a obra podedes ver a reportaxe de 2022 que fixo Xornal de Lemos.

Cartel da curta ‘Corre o vento’
PRESENTE TAMÉN NUN CATÁLOGO DO AGADIC

Corre O Vento forma parte, dende hai unhas semanas, do novo catálogo de curtametraxes galegas deste 2024 (Shorts from Galicia) da Axencia Galega das Industrias Culturais.  

Shorts from Galicia é a marca da Xunta para a promoción exterior das curtametraxes galegas que, xunto con Films from Galicia, ocupa un lugar destacado no programa de internacionalización do audiovisual galego como reflexo do potencial creativo do noso cinema, recoñecido en festivais de todo o mundo.

Baixo esta sinatura, publícase cada ano unha escolma con destacados traballos de produción e/ou autoría galega neste formato. A publicación, editada en inglés, conta con versións física e dixital e acompáñase do correspondente vídeo promocional.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...