Dentro da súa programación teatral semestral, o Concello de Monforte ofrece para este xoves, 11 de abril, ás 20:15 no Edificio Multiusos a posta en escena da obra para adultos O soño dos vagalumes, do Grupo de teatro da Universidade Laboral de Ourense, obra dirixida pola alaricana Ángeles Álvarez e interpretada por máis de vinte persoas vencelladas a este centro educativo.
Esta representación pretende ser unha aproximación á memoria histórica e á violencia sistemática contra as mulleres ó longo dos años.
A seguinte obra do ciclo de teatro para adultos será Falar por falar da compañía Volta e Dalle Teatro que terá lugar o xoves, 25 de abril, no Edificio Multiusos ás 20:15 h. O prezo da entrada xeral para esta obra será de 5 euros e de 3 para desempregados, xubilados e estudantes.
