O acordeonista, Juan Matías, ofrece o sábado un concerto en Sober, ás 20:00 horas no Centro Sociocultural con entrada de balde. A actuación enmárcase na Primavera Musical organizada polas Xuventudes Musicais da localidade en colaboración co Concello e leva por título ‘A través do reflexo’.

Juan Matías é compositor residente da tempada 23-24 da Red de Músicas, un circuíto musical que vai por todo o país a través de máis dun cento de Asociacións Locais de Mocidades Musicais. Forman parte deste circuíto os novos intérpretes gañadores do Concurso Permanente e tamén os premiados doutros concursos de Mocidades Musicais.

Programa

• Preludio y fuga en si mayor, BWV 868 – J.S. Bach (1685-1750)
• De Profundis – S. Gubaidulina (1931-)
• Étude sur le Chiquilin de Bachin – A. Piazzolla (1921-1992)
• Nostalgia – J. Guiridi (1886-1961)
• Gernika – Gorka Hermosa (1976-)
• Espejismos del alba – Adrian Mokanu (1994-)*
• Aragón – I. Albéniz (1860-1909)