HomeCulturaMonforte enxalza a Luisa Villalta no 17 de maio

Monforte enxalza a Luisa Villalta no 17 de maio

O Concello de Monforte de Lemos, celebrou na mañá deste venres a conmemoración do Día das Letras Galegas deste ano 2024, que está adicado a escritora e música,  Luísa Villalta Gómez.

Publicado o

POR
Redacción
- Advertisement -

Este venres, 17 de maio, a programación ideada arredor do Día das Letras Galegas incluíu a celebración do Festival Letras Galegas 2024 na Casa da Cultura Poeta Lois Pereiro áss 12:00 h. coas actuacións da Asociación Cultural Amigos da Pandeireta de Monforte e da Coral Polifónica do Concello de Monforte de Lemos.

O Festival abriu coa intervención institucional do Alcalde, José Tomé Roca, quen salientou a “prolífica obra de Luísa Villalta que abarca poesía, teatro, narrativa e ensaio, a través da cal foi unha defensora apaixonada da lingua e cultura galegas”.

O Alcalde salientou que “a súa obra non só é recoñecida pola súa beleza literaria, senón tamén polo seu profundo sentido de xustiza social e igualdade”. Así mesmo, o rexedor monfortino subliñou que “Luísa Villalta mantén o pulso tenso da pescuda intelectual en cada acto de escrita cunha atenta interacción cos debates do seu tempo, que é tamén este. A coherencia da súa posición intelectual é un dos trazos significativos dunha personalidade literaria que se debuxa con matices propios e singulares no contexto da dúas últimas décadas do século XX e primeiros anos do XXI.”

Para rematar a súa intervención o rexedor rescatou uns versos da autora coruñesa do poema “Antiquísima” do libro “En Concreto”:

ESA son eu

rubindo unha e outra vez as escadas

dun mundo posíbel

separado sempre pola idade, a teima

e a vontade íntima de voar.

No acto, ademais do Alcalde tamén estiveron presentes a Tenente de Alcalde, Gloria Prada, o Concelleiro de Servizos, José Luis Losada, o Concelleiro de Deportes, José Manuel Mougán, a Concelleira de Consumo, Regina López e a Concelleira de Muller e Igualdade, Margarita López, así como outros membros da Corporación municipal e numeroso público

ÚLTIMAS

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...

O PP pide á Deputación que inste a Adif a reparar os danos ocasionados nas estradas provinciais de Sober e Pantón

Os deputados provinciais Antonio Ameijide e Luis Fernández comprobaron os numerosos danos producidos en...