HomeCultura1º Certame de "Relatos Manuscritos" Peruchela Edicións en Monforte

1º Certame de “Relatos Manuscritos” Peruchela Edicións en Monforte

O prazo de entrega de orixinais a concurso comeza o 23 de xuño e remata o 23 de agosto tendo que estar as obras literarias escritas a man e con tinta azul.

Publicado o

- Advertisement -

A libraría-editorial Peruchela Edicións, de Monforte de Lemos, coñecida polas súas presentacións de libros e por apoiar a autores noveis nas súas publicacións, vén de presentar unha nova idea para “incentivar e recompensar a creatividade literaria”.

Trátase do “1º Certame de Relatos Manuscritos”, concurso que abre á participación dende o 23 de xuño ao 23 de agosto de 2024. E si, leron ben, os relatos teñen que estar escritos a man e con tinta azul.

BASES DO CONCURSO

Poderán participar todas as persoas que o desexen a partir de 8 anos, establecendo 2 categorías: unha para nenos e nenas entre 8 e 14 anos, e outra para maiores de 15.

Os relatos deberán estar escritos en galego ou castelán, ser orixinais e inéditos, escritos a man con tinta azul, de tema libre e cunha extensión máxima de dúas páxinas.

As obras orixinais a concurso teñen que chegar escaneados a través do correo electrónico edicion@peruchela.es, entregarse en persoa en sobre pechado ou por correo ordinario facendo constas 1ª Certame de Relatos Manuscritos Peruchela Edicións ao enderezo. Rúa Doutor Casares, 58, 27400 Monforte.

Datos a facilitar no envío ou entrega: Nome, apelidos e correo electrónico. Pódese usar pseudónimo.

Máximo de obras a concurso: Dous relatos por participante, en diferentes idiomas.

Os participantes ceden os dereitos de publicación dos relatos para a posible edición dun libro do certame pola Libraría, Peruchela Edicións.

SELECCIÓN DE RELATOS

Os relatos serán valorados nun 50% pola calidade manuscrita e noutro 50% polo seu contido e calidade literaria, valoración que realizará un xurado composto por tres persoas vencelladas co mundo das letras.

O fallo do xurado darase a coñecer na web www.libreriapelayo.com nas redes sociais e en medios de comunicación, prensa e radio, dúas semanas despois da data de finalización do prazo de entrega. Así mesmo, comunicarase convenientemente a data e o lugar de entrega dos premios.

PREMIOS

Categoría Infantil: 1º Premio 100€, 2º Premio 70€, 3º Premio 30€

Categoría Adultos: 1º Premio 100€, 2º Premio 70€, 3º Premio 30€

Os premios poden trocarse por material escolar, libros ou artigos da tenda. Se hai máis de 30 relatos, publicaranse pola Editorial organizadora no mesmo formato que foron recibidos e distribuirase gratuitamente un exemplar aos participantes.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...