A Concellaría de Normalización Lingüística do Concello de Quiroga pon en marcha este novo servizo, que conta cunha persoa contratada. Para a súa posta en marcha contouse cunha subvención concedida pola Consellería de Cultura, Lingua e Xuventude, ao abeiro da Orde do 13 de marzo de 2024, e funcionará de xeito compartido co Concello de Ribas de Sil

“O obxectivo do mesmo é estar a disposición dos  servizos municipais dos Concellos de Ribas Sil e Quiroga para desenvolver tarefas de asesoramento e normalización lingüística, pero tamén se buscará que se poidan atender necesidades de asociacións culturais, do comercio e das empresas que o precisen”, explica o concelleiro responsable, Xosé Manuel Fernández.

O Concello de Quiroga traballa tamén na consecución dunha formación preparatoria para as probas de coñecemento CELGA que se convocan anualmente. Calquera persoa interesada pode xa dirixirse a este servizo, que estará situado na Casa da Cultura, para anotarse como demandante destes cursos.