A editora Peruchela Edicións apadriñará esta semana a presentación literaria do libro “Unha árbore, un poema e o seu sentir” de Fina López Sueiro, veciña de Pombeiro, no Concello de Pantón; e tamén o libro infantil e bilingüe “Hasta la próxima Navidad. Até o vindeiro Nadal” de Inés Silva.
O primeiro dos libros, “Unha árbore, un poema e o seu sentir”, en palabras de Rocío, a editora:“Trátase dun libro moi especial baseado no horóscopo celta que contén unha pequena descrición, unha foto e un poema”. A presentación terá lugar no Ateneo Casino de Monforte o xoves 22 de agosto ás 20:00 h.
No que respecta ao segundo libro, “Hasta la próxima Navidad. Até o vindeiro Nadal”, da autora Inés Silva, a presentación será triple. O mesmo xoves 22 ás 21:00 h. presentarase no Ateneo Casino, o venres 23 de agosto ás 20:00 h. no Club Fluvial, e o domingo 25 ás 19:30 h. no mirador da Capela en Vilachá de Salvadur, en colaboración coa adega Val do Frade.
Respecto deste último, a editora di: “trátase dun libro reversible moi axeitado para os nenos de 6 a 8 anos”.
