O vindeiro día 31 de agosto, como remate ao ciclo de concertos na terraza do Hotel Restaurante Las Vegas (San Clodio), haberá unha actuación da banda coruñesa The Cruze ás 23:00 h.

A xerencia deste establecemento fai balance destes 2 meses e conclúe que “os meses de xullo e agosto nótase moito a chegada de familiares, visitantes e turistas por esta zona polo que as actuacións tiveron moi boa acollida enchéndose a terraza”. E continúa “o resto do ano xa non se pode facer o mesmo porque pechamos a terraza e non temos asistencia que cubra os eventos”.

Así, logo, para este sábado volve o rock & Roll á pista da man de The Cruze, banda da Coruña, na que os seus membros comparten a paixón pola música. Levan anos gozando e esforzándose para que toda esa enerxía chegue ao público nos seus directos, cunha traxectoria de máis de 17 anos enriba dos escenarios.