A directora xeral de Patrimonio Cultural, Mª da Carmen Martínez, referendou o compromiso da Xunta na recuperación do patrimonio cultura da Ribeira Sacra para potenciar a súa candidatura a Patrimonio Mundial para a Unesco.

Unha aposta, detallou a Xunta nun comunicado, na que a Consellería de Cultura, Lingua e Xuventude ten investido preto de oito millóns de euros dirixidos á conservación e posta en valor de máis de 40 bens deste territorio das provincias de Ourense e Lugo.

A directora xeral asistiu este xoves á presentación de mecanización dos relicarios da igrexa do mosteiro de Santo Estevo de Ribas de Sil, en Ourense.

Neste sentido, subliñou que “o importante investimento preto aos 300.000 euros” que nos últimos anos ten realizado o departamento de Patrimonio Cultural da Xunta para a restauración e conservación deste Ben de Interese Cultural.

En concreto, para obras na sancristía e o coro da igrexa, que foron cofinanciados polo Fondo Europeo de Desenvolvemento Rexional, no marco do programa operativo Feder Galicia 2014-2020.