Baixo o lema “Abrazando o bo trato” realizouse visita guiada polo museo reparando nas pezas ou obras que reflicten o impacto da desigualdade e a discriminación das mulleres ao longo da historia. Tamén compartiron unha actividade lúdica -abrazos de cores – que puxo o foco na necesidade da educación en igualdade para identificar a violencia e para crear relacións afectivas sás.
A actividade súmase ás visitas guiadas que se están a desenvolver ao longo deste mes de novembro nos museos provinciais co programa “Rompe o silencio. Non hai escusa”, que propón itinerarios pensados para visibilizar a pegada da violencia de xénero en obras de arte de distintas etapas históricas, sinalando o impacto que factores como a raza, a clase social ou a idade teñen na forma en que se manifesta a desigualdade.
Xornadas Igualdade Tor / Vicepresidencia Deputación Provincial
Horarios
Museo Provincial de Lugo: Tradución da lei contra a violencia de xénero mediante pezas museísticas. Horario: Sábados de novembro ás 11.00 h.
Museo Fortaleza San Paio de Narla: “SoTERRAdas” – Descubrindo a obra “Delitos carnais” de Luz Darriba e a lenda de Catarina. Horario: Sábados de novembro ás 12.00 h e ás 17.00 h.
Museo do Mar: “Mareas de cambio” – Loitando pola eliminación da violencia contra as nenas. Horario: Sábados de novembro ás 12.00 h.
Xornadas Igualdade Tor / Vicepresidencia Deputación Provincial
