O Instituto de Educación Secundaria de Quiroga acolle ata o 26 de novembro, a iniciativa das Concellerías de Educación e de Normalización Lingüística do Concello de Quiroga, e co patrocinio e financiamento da Área de Cultura da Vicepresidencia da Deputación de Lugo, unha exposición do proceso creativo dun cómic.

A actividade consta de dúas partes: unha mostra ou exposición de orixinais con información do proceso creativo dun cómic, e unha charla final sobre ilustración.

A exposición atópase no vestíbulo do centro educativo, podendo ser visitado en horario escolar, tanto polo alumnado e mestres como por familias principalmente, pero tamén por aquelas persoas que teñan interese na mostra sendo alleos á comunidade educativa.

A mostra, que visitaba o concelleiro de Normalización Lingüística, Xosé Manuel Fernández; xunto co director do IES de Quiroga, Fabio Mascareñas; e o autor autor dos debuxos, Primitivo Marcos; está composta por paneis explicativos do proceso creativo e cos debuxo orixinais das diferentes etapas da creación.

Como colofón a esta actividade o ilustrador, Primitivo Marcos, ofrecerá unha charla no salón de actos do IES de Quiroga o 27 de novembro en horario de 12:50 a 14:30 h. para o alumnado de 1º da ESO.  A charla versará sobre ilustración e tamén sobre Castelao como figura emblemática neste eido en Galicia. 

Exposición de debuxos “O Paso do Noroeste” / Concello de Quiroga