A compañía Teatro do Miolo representará a obra para todos os públicos Saíndo do Cerco, unha peza cuxa autoría e dirección corre a cargo de Guillermo Cancelo e o seu elenco é Chelo Lamela, André Vázquez e Guillermo Cancelo. É unha obra para todos os públicos, con entrada libre e gratuíta.
Suso é un novo residente no centro de maiores. Pensa que por estar na última etapa da vida, esta non merece ser vivida. Amalia, unha compañeira de residencia, pode ser a peza que faga dar un xiro aos acontecementos, facendo que Suso atope o sentido da súa vida.
A seguinte e última obra do ciclo de teatro programado polo Equipo de Goberno do Concello de Monforte para o derradeiro semestre de 2024, dirixida a público infantil e familiar, será coa obra, Coa música a outra parte de Trécola Producións, que terá lugar o xoves, 26 de decembro, no Edificio Multiusos, ás 18:00 horas, sendo a entrada gratuíta. Forma parte do Circuíto de Teatro Profesional da área de Cultura da Deputación de Lugo.
