Este 29 de xaneiro a veciñanza de Pantón viaxa a Santiago de Compostela para ver “Nada se sabe”, unha coprodución do Centro Dramático Galego con Culturactiva, na que dúas actrices e dous actores cuestionan sobre o escenario a inclusión e a xestión da diferenza ante a discapacidade, que facemos como sociedade.
O autobús sairá de diante do BBVA, na estrada de Ourense ás 14:30h e a representación comezará ás 18:00h, contando con entrada subvencionada polo Concello de Pantón. Para máis información e inscricións poden poñerse en contacto cos teléfonos 982 456 377-670 329 131
O sábado, 8 de febreiro, o autobús do teatro chegará a Chantada contando, un ano máis, coa colaboración do Concello. Terá saída ás 15:15h da Praza de Galicia, tamén para asistir á representación da obra “Nada se sabe”. A función comezará ás 18:00h, sendo o prezo da entrada 5€. A hora de regreso será ás 20:00h.
Para asistir á representación poden inscribirse na Casa da Cultura ou no teléfono 982 441 752 de luns a venres en horario de 10:00h a 14:00h e de 16:00h a 20:00h e os sábados de 10:00h a 14:00h. As prazas son limitadas ata completar o aforo do autobús.
