Este 17 de decembro ás 19:00h inaugúrase na Sala de Exposicións da Delegación Territorial da Xunta de Galicia en Lugo, a exposición “Patitas y Punteras”. Mostra fotográfica de Tamara Lebón Sánchez, veterinaria e fotógrafa natural de Monforte de Lemos, na que une a arte da ximnasia rítmica coa causa de tenza responsable de animais de compañía. Neste proxecto participan 39 nenos de entre 3 e 15 anos colaborando con 4 refuxios e protectoras galegas.

A exposición mostra 46 imaxes emotivas e divertidas que combinan a elegancia dos ximnastas (ou o intento dela nalgún caso… ¡meus pobres!) , coa tenrura e ganas de vivir de animais rescatados e/ou maltratados, co obxectivo de sensibilizar á sociedade sobre a importancia da adopción responsable e apoio aos refuxios de animais.

Na inauguración proxectarase un vídeo co proceso de creación con imaxes e grabacións dende detrás da cámara, contando coa colaboración de dous pianistas para a banda sonora.