Pre-estrea do primeiro Sinxelo+Video ‘ALVORADA‘, un traballo musical que ten como protagonista ao músico ‘Peitoescuro’ (Rubén Gutiérrez), a Álex Baena á dirección, e que está producido por Iago Pico (produtor das Tanxugueiras).

O evento, que terá lugar no célebre Cinema Palleiriso na aldea de Garabelos (Chantada), comezará ás 12:30 ofrecendo aos invitados petiscos variados máis un xantar informal con viño da Ribeira Sacra e sobremesas caseiras.

Despois do xantar terá lugar o primeiro pase do Video para, despois, escoitar en primicia e en directo a interpretación a dúo dos vindeiros lanzamentos de PEITOESCURO.

Tendo en conta que haberá moitos convidados músicos, todo apunta a que o evento rematará cunha sesión de improvisación que fará gozar aos asistentes. “Alvorada”, publicarase en todas as plataformas o vindeiro 24 de xaneiro.