A Irmandade Cultural País do Faro organiza a presentación do libro “El marinero”, de José García Juncal. O acto terá lugar este venres, 31 de xaneiro, a partir das 19,30 no Círculo Recreativo Cultural de Chantada e estará presentado por Xosé Randolfe Vilariño.

García Juncal é otorrinolaringólogo de profesión e leva anos exercendo en Ourense, tendo atendido a numerosos veciños de Chantada. Nesta novela fala das vivencias da xente de mar; un mundo que coñece perfectamente por telo vivido en primeira persoa no seu Bueu natal.