InicioCulturaObradoiros, maxia e contos no Incio

Obradoiros, maxia e contos no Incio

O concello ten programadas, para esta semana e para a seguinte, interesantes actividades centradas no público familiar.

Publicado o

- Advertisement -

Os días 26 e 28 de decembro haberá un interesante obradoiro de debuxo para nenas/os de 5 a 12 anos baixo o título “O Incio, unha historia, un debuxo”. Nel os máis pequenos coñecerán algunha historia curiosa do concello e tratarán de levala ao papel, a través do guión e da ilustración.

O día 26 desenvolverase de 17:00 a 19:00 h. na Sala de Lectura da Casa do Concello e o día 28 de decembro co mesmo horario pero no local social de Vilademouros.

Esta actividade está impartida polo debuxante quirogués Xosé Manuel Fernández, colaborador en varias publicacións a nivel nacional.

Chegando xa á fin de semana, continúa o III Festival de Maxia nas Parroquias coas dúas últimas actuacións. O sábado 29 o Mago Samuel Moreno levará o seu espectáculo ao local social de Cervela ás 18:00 h. e o domingo 30 o Mago Paco actuará á mesma hora no local social de Vilademouros.

O domingo 30, pero en horario de 10:30 a 13:30 h. na antiga nave gandeira da Cruz do Incio terá lugar o espectáculo “Planetario Ciencia Kids – Fulldome Space”.

E chegando xa o novo ano, para o 4 de xaneiro está programado o espectáculo de monicreques e contos “A historia de Brancaflor” a cargo de Fran Rei. Será no Salón Multiusos do concello ás 18:00 h.

O 6 de xaneiro ás 18:00 h. visita dos Reis Magos, agasallos, chocolate e degustación de roscón de reis e biscoito aos presentes. Esta actividade está organizada por Asociacións Culturais do Incio.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...