O libro “Simboloxía do románico de Taboada” de Xosé Lois García, foi editado polo Servizo de Publicacións da área de Cultura da Vicepresidencia da Deputación de Lugo.

A deputada, Iria Castro, acompañará ao autor chantadino que califica o románico de Taboada “como un dos máis interesantes do centro de Galiza” e que exporá o contido da publicación, centrada na iconografía das igrexas románicas taboadenses: Taboada dos Freires, San Xián do Campo e Castelo -as tres con elementos característicos do obradoiro do mestre Pelaxio -, Piñeira, Bembibre, Cerdeda e Bouzoa.