Este sábado 17 de maio, o Ateneo Casino de Monforte de Lemos será o escenario, a partir das 19:30 h., dun acto para celebrar as letras cunha emotiva homenaxe á poesía galega contemporánea.

No marco das celebracións do Día das Letras Galegas, presentaranse tres novos poemarios escritos integramente en lingua galega: A Cor do Sentimento, de Suso Talento, Verbas do Corazón, de Gloria Guerrero e Epigramas con Reparos, de Eliseo Méndez Nieto.

A presentación correrá a cargo da editorial responsable das publicacións, na voz de Rocío Peruchela, quen acompañará aos autores e autoras nesta velada aberta a todo o público.

“A diversidade estilística e emocional destes tres títulos ofrece unha oportunidade única para achegarse á creación poética galega desde distintas sensibilidades, todas elas unidas polo compromiso coa nosa lingua e cultura”, comentan dende Peruchela Edicións.