O Concello do Incio comeza este martes, 22 de xullo, a programación cultural de verán que se desenvolverá na Praza de España con actividades gratuítas para todos os públicos.
O Goberno local programa seis citas pensadas para os nenos e nenas, para o público familiar e para todos os veciños e visitantes. Así, haberá música, teatro, festa da escuma con hinchables, artesaníar e produtos da terra,…
Despois do concerto deste martes, a seguinte cita será o 31 de xullo ás 20:00 con “Uxía Lambona e a Banda Molona”. O 7 de agosto desde as 17:00h será a Festa da Escuma e a cativada volve a ser a protagonista do día 13 ás 20:00h con “Pakolas, A Ramona pequena vai á lúa”.
Para o 19 de agosto a proposta será cun espectáculo de lume a cargo de Asacacirco e o 22 de agosto, durante toda a xornada, celebrarase unha nova edición da Feira de Artesanía e Produtos da Terra. O Goberno local anima a participar nas diferentes propostas.
