Tras a celebración do xoves de compadres e de comadres en datas anteriores, quedan por festexar dúas datas importantes de entroido para o Concello do Saviñao.
Este domingo 15 ás 17:00 h. farase a Festa Infantil, unha celebración pensada especialmente para a cativada con postos de perritos e flecos de millo, inchables, coches de choque e desfile de disfraces.
E para o martes 17 queda o desfile de comparsas e disfraces con premios, pancetada e chocolatada con churros para todos e todas. E para o fin de festa, gran verbena coa orquestra Manhattan.
No que se refire a premios, a organización estipula os seguintes:
Para Comparsas, de máis de 7 membros, haberá premios para os tres primeiros que consistirán en diplomas e cea para os grupos en restaurantes de Escairón. E para disfraces individuais, de menos de 7 membros, haberá premios para os dous primeiros con cadanseu diploma e cea como na categoría anterior. No caso das comparsas haberá cea final de desfile para todos e todas as participantes, mentres que para os disfraces individuais a organización sinala que haberá ‘premios especiais’.
Os restaurantes que ofrecen a cea de entroido son os seguintes:
Restaurante A Maruxa, Restaurante Avenida, Campeliños, O Ruso, Torre Vilariño e Tres Portas.
