O alcalde de Sober, Luis Fernández Guitián, e a representante de La Plantación, Elisa Pereira, estiveron días atrás cos gañadores da 5ª edición das Bolsas Culturais Internacionais ‘Pintor de Castinandi’ Verán 2025. As mesmas recaeron en Valeria Andreina Rueda Rincón, nacida en Caracas, aínda que vive en Ourense desde os 18 anos; Steffan Abella Abad (Ponferrada, León); e Mara Vecoña Vieira de Ourense.
As becas, dirixidas a mozos e mozas de ata 40 anos, permitíronlles participar de balde no taller de fotografía de David Jiménez que rematou o 31 de xullo na Casa Grande de Rosende.
No devandito obradoiro, que se desenvolveu na Casa Grande de Rosende, participou un grupo de 24 personas de diferentes puntos de España, Escocia, Francia e Portugal. Ademais de falar do seu traballo, o devandito fotógrafo tamén coñeceu os proxectos persoais das persoas asistentes a este taller que organizou a entidade La Plantación. Encuentros y Conocimiento.
