A curta, dirixida por Carmen Méndez, narra a historia dunha muller que volve á casa para recordar(se) e recoñecerse. Colle unha cámara e filma por primeira vez. O retrato da súa nai e da súa avoa é tamén o seu propio retrato. Grazas a elas, reconcíliase co lugar e cos recordos.

A obra acadou o premio a mellor curtametraxe nos Premios Mestre Mateo no 2025, Premio Supernova e Premio Cátedra Cruz Roja-USCPremios no curtocircuíto, Festival Internacional de Cine no 2024; e premio á Mellor curta dirixida por unha muller, Mellor Montaxe e Premio do Público no Aguilar Film Festival do 2024.

A actividade, organizada pola área de Cultura da Vicepresidencia da Deputación de Lugo, en colaboración co Concello de Quiroga; contará coa presentación da obra pola propia directora Carmen Méndez, e unha vez remate a súa proxección, realizarse un coloquio no que tamén participará a directora.

Carmen Méndez está formada en interpretación, voz e violín; e  conta cunha ampla traxectoria como actriz en teatro, cine e televisión. Traballou durante sete tempadas na serie da TVG Pazo de Familia, personaxe pola que foi finalista en dúas ocasións ós Premios Mestre Mateo como Mellor Actriz de Reparto e tamén participou noutras series como O Faro (TVG), Serramoura (TVG), Auga Seca (HBO) ou Élite (Netflix). Recentemente foi un dos personaxes principais da serie Saudade de Ti (TVG). En cine participou, entre outras, na longametraxe “Tres”, de Juanjo Giménez Peña, e protagonizou  a longametraxe documental  “Pelerinaxes”, dirixida por Simone Saibene. No 2024 estreouse na dirección coa galardoada curtametraxe documental Pura.