Os actores Pepo Suevos e Manuel Manquiña e La Oca Band presentan un musical cun repertorio no que os ritmos recordan estas datas tan especiais. O espectáculo terá ademais aires locais xa que no escenario tamén estarán alumnos do Colexio de Eduación Infantil e Primaria de Quiroga e o grupo de música tradicional O Recanto, que acompañarán aos integrantes de La Oca Band na interpretación de dúas coñecidas cancións.
Esta cita forma parte dos concertos do Xacobeo.Gal da Xunta de Galicia. Terá unha duración de dúas horas nas que ademais das cancións de Nadal tamén se inclúen distintos ritmos e estilos, onde terán cabida o rock ou temas máis clásicos.
Esta adaptación musical e teatral poñerá riba do escenario do Auditorio Municipal, o sábado, 27 de decembro, ás 19:30h, a maxia do Nadal.
