O ciclo de citas teatrais comezou o día 23, con “Nadal en prácticas”, da compañía Lalá Teatro. A seguinte proposta é este venres, 26 de decembro, ás 18.00 horas na Casa da Cultura. A compañía Títeres Cachirulo presenta a súa montaxe “O ladrón de xoguetes”, unha divertida aventura protagonizada polo Apalpador e os seus amigos, que terán que impedir que o ladrón Pasmón roube os xoguentes dos nenos.
Xa o martes, 30 de decembro, a Casa da Cultura acolle ás 18.00h o espectáculo infantil e familiar “A fantasía do Nadal”, de María Faltri. “Abracadabra”, con esta palabra máxica ábrese o telón dun espectáculo onde todo é posible. María Faltri dá vida a personaxes entrañables e momentos cheos de luz. Acompañada por Reyner Aldana na guitarra, coros e percusións, crearán un ambiente máxico.
