A Casa da Cultura de Chantada acolle ata o 12 de xaneiro de 2026 deste mes a exposición dos traballos realizados co Programa de Pintura que desenvolve a Concellaría de Servizos Sociais no Edificio Multiusos de Chantada con dous cursos: pintura en óleo que se leva a cabo os mércores de 16:30h a 19.00h e o curso de pintura en tea que ten lugar os venres, tamén de 16:30h. a 19:30h.
Participan destes talleres, destinados a persoas maiores de 65 anos e xubiladas/os, máis de medio cento de persoas. Na exposición pódese ver o resultado do aprendido polas persoas participantes nos 3 meses que levan de clases. Así na mostra cóntase con sabas, camisetas, bolsos, coxíns, manteis, distintas figuras e elementos decorativos entre os que destaca a variedade de cadros con diferentes motivos.
A maioría das participantes nestes cursos son mulleres, que aseguran repetir as clases de ano en ano “porque lles encanta e favorecen outras capacidades como a memoria ou o sentido da orientación”, aseguran.
Exposición traballos pintura / Concello de Chantada
