O académico de número da Academia Xacobea, Luís Celeiro Álvarez e vicepresidente da Asociación de periodistas e estudosos do Camiño de Santiago (APECSA) presenta este venres o libro, ANDARES, unha escolma de artigos da sección TÍA MANUELA.

Nesta sección semanal, na prensa, Celeiro publicou máis de mil artigos ao longo de 20 anos, en Andares recolle unha selección de cento sesenta textos nos que camiña polos incendios, o Camiño de Santiago, o valor da palabra, a ciencia, a saúde…

No acto de presentación acompañarán ao autor, a alcaldesa de Samos, Chus López López; Xaime Fernández Castro, historiador e guía turístico; o xornalista, Manuel Darriba Blanco e Paula López López, profesora de FP, de Imaxe e Son. A cita, con entrada libre, completarase coa actuación de Brais Serantes Celeiro, que interpretará unha peza musical ao violín.