A deputada da Área de Cultura da Deputación de Lugo, Iria Castro, visitou o pasado xoves o IES A Pinguela de Monforte. Neste centro a muralista Noelia Aragundi traballou varios días na creación dun mural que homenaxea a Rosalía de Castro.
A obra, que loce no Salón de Actos do centro, forma parte das intervencións artísticas que a Vicepresidencia da Deputación vén organizando nos últimos 6 anos en centros educativos e espazos públicos de toda a provincia “para socializar a figura da poeta como figura central da literatura galega e referente cultural e feminista”.
Xunto á deputada provincial estiveron os concelleiros do BNG de Monforte, Emilio Sánchez e Manuel Luaces; a responsable comarcal do BNG Lugo Sur, Rosana Florines; e o director do Centro, Enrique Sampil. Xuntos puideron coñecer o proceso creativo do traballo artístico de Noelia Aragundi.
