Este sábado 4 de xullo, entre as 10.00 e as 15.00 horas, celebrarase a II Edición do Concurso de Pinttura Rápida modalidade e estilo libre e organizado polo Centro Comercial Ponte Vella coa colaboración da Fundación CUM LAUDE.

O certame desenvolverase baixo o título “Desde Ponte Vella e a súa contorna” e a participación é totalmente aberta a calquera persoa sen límites de idade. Así, os interesados deberán inscribirse antes do venres 3 de xullo por correo electrónico ou na web do CC Ponte Vella.

O mesmo día do concurso, o sábado 4 de xullo, entre as 9.30 e as 10.30 da mañá, os participantes deberán acudir ao Centro Comercial (terrazas de hostalería) para a selaxe e numeración dos soportes que deberán estar en branco con cor uniforme e ter unhas dimensións mínimas.

O fallo do xurado coñecerase o mesmo día, ás cinco da tarde e corresponderá a un xurado integrado por persoas vinculadas ao mundo da arte. Haberá dous premios: o primeiro, de 1.500 euros, un segundo premio de 750 euros e 2 accésit de 200 € (un de Fundación Cum Laude e outro de Gadis).

Todas as obras realizadas poderían estar expostas ata as seis da tarde para que o público asistente poida ter acceso á mesmas. As dúas obras gañadoras quedarán en propiedade do Centro Comercial para telas expostas.