Os amantes da música urbana, a electrónica e o bo ambiente xa poden ir marcando o 24 de xullo en vermello nos seus calendarios. O primeiro en actuar no II Summer Begin´s Quiroga desta xornada, será o DJ Sote. Este DJ e produtor galego está especializado en música urbana e underground; o que o levou a actuar nas mellores salas de España e doutros países como Polonia.
Seguiralle o DJ Borja Solla, unha das promesas do panorama urbano latino. Este DJ e produtor orixinario de Pontevedra postúlase como unha futura referencia no seu xénero. Co Reggaeton como principal ingrediente da súa proposta musical, cando tome o mando da cabina ás 22:30 h., a súa enerxía sen límites deixarse sentir entre o público.
A media noite os mandos chegarán ás mans doutro DJ galego, Anxo Silva. Amplamente consolidado dentro da escena da música urbana e latina, a súa sesión centrarase en dúas vertentes moi marcadas da música actual; o Dembow, con ritmos rápidos de orixe caribeña, moi enérxico e enfocado á pista de baile.
Repite nesta Summer Begins, o DJ Dani Daniel. Este recoñecido DJ e locutor de radio valenciano dirixirá a música a partir da unha e media da noite. Dani Daniel é dende hai anos unha figura destacada da movida nocturna, o tardeo e a música remember valenciana.
Samucapi será o derradeiro DJ da noite. Este DJ galego destacado en eventos no norte de España e gañador de varios concursos locais, pechará esta festa da xuventude co seu enfoque musical que busca a máxima animación e interacción da pista de baile, adaptando os ritmos pegadizos da escena urbana aos grandes festivais, mesturando xéneros enérxicos e bailables como o Reggaetón, a Música Urbana, o Latin Tech ou o Funky Brasileño.
