Un ano máis, Folgoso honra os xogos tradicionais e convoca aos afeccionados das carrilanas nunha festa enxebre que terá lugar no núcleo urbano da localidade e no fermoso Souto da Carroza.

A diferencia doutros anos, nesta ocasión todo o programa estará concentrado na tarde. Así, a baixada de carrilanas dende o antigo Colexio está programada para as 16:30 h. E a continuación desenvolverase o resto de programa. Para animar á participación, o concello convocou días atrás dúas xornadas dedicadas á elaboración, concretamente os días 27 e 28, no Centro Sociocultural de Fondo da Vila a cargo do experto na materia, Roberto Ferreiro.

PROGRAMA

16:30 h Baixada de Carrilanas con saída no antigo Colexio e meta na Praza do Fondo da Vila.

18:00 h. Campionato de Xogos Tradicionais no Souto da Carroza. Arrebolamento de sacho, lanzamento de boina, Chave, billarda, corto con tronzón, etc.

De 17:00 a 21:00 h Demostración de talla de madeira a cargo de Santiago Besteiro. Actividade patrocinada polo Centro de Artesanía e Deseño da Vicepresidencia da Deputación de Lugo.

20:00 h Entrega de Trofeos.

21:00 h Concerto.